Opmodatvearru ja viesut maid lea historjjálaš árvu/kulturmuittut

Guovdageainnu suohkan áigu muittuhit ahte viesut dahje eará huksehusat mat leat registrerejuvvon kulturmuitun, Riikaantikvára dahje Sámedikki bealis, EAI automáhtalaččat beasa opmodatvearu máksimis.

eiendomsskatt.jpg
eiendomsskatt.jpg

Jus dus lea viessu/huksehus mii lea registrerejuvvon kulturmuitun du opmodagas, fertet OHCAT beassat máksimis. Suohkanstivra gieđahallá dákkár ohcamiid, geahča opmodatvearrolága § 7b).

Dán oktavuođas ovddiduvvo ášši suohkanstivrii geassemánu čoahkkimii, ja mii fertet oažžut dáid ohcamušaid sisa nu jođánit go vejolaš.

Sáddes oanehis ohcama mas lea:

  • Gårds- ja bruksnummár
  • Guhte viessu/huksehus lea suodjaluvvon
  • Duođaštus kulturmuitoeiseválddis ahte viessu/huksehus lea suodjaluvvon (omd. mearrádusa kopiija)

Maŋit vearrojagiide šaddet viesut/huksehusat mat oktii leat beassan máksimis bargojuvvot listui boahttevaš jagiide, nu ahte ii dárbbaš ohcat beassama jahkásaččat. Dábálaččat meannuda suohkanstivra dákkár áššiid oktii jagis, juovlamánu. Ohcamat mat bohtet maŋŋil áigemeari dán jagi (miessemánu 15. beaivi) eai ovddiduvvo suohkanstivrii ovdal juovlamánu 2017, ja vejolaš beassanmearrádus ii gusto de ovdal vearrojagi 2018.

Ohcanáigemearri: 15.05.2017

Váldde oktavuođa suohkaniin jus dus leat jearaldagat.