Ođđaseamos čáhceiskkos čákčamánu 6. beaivvi

Guovdageainnu suohkan heaittiha juhkančázi vuoššandieđu.

vannglass.jpg
vannglass.jpg

 

Juhkančázi vuoššandiehtu heaittihuvvo Guovdageainnu čáhcerusttega dáfus 09.09.2016

Čázi ivdnelohku lea jámmadit njiedjan dan maŋemus áiggi, nu ahte dál leat fas dásis mii dahká ahte min UV-rusttet lágida hygenalaš ráinnas juhkančázi.

Ovttasráđiid Biebmobearráigeahčuin heaittihit vuoššandieđu buot dolliide geat ožžot čázi čáhcerusttegis Guovdageainnu márkanbáikkis.

Čáhci klorerejuvvo mánnodaga 12.09. rádjái. Dan rájes eat šat bija klora čáhcái. Dat klora man leat bidjan bistá čázis moadde beaivvi vel maŋŋel go leat heaitán kloreremis. Dat doaibmá lassi sihkkárvuohtadoaibman. Dasa lassin váldit lassi čáhceiskkosiid ovtta áiggi ovddasguvlui.

Jus čáhcekvalitehtta fas rievdá, sáhttá fas boahtit diehtu vuoššat čázi.

Ođđaseamos čáhceiskkos.

 

Teknihkkalaš bálvalusaid ovttadat