Oapmehaččaidskuvla 2016 čávčča

Guovdageainnu suohkan ja Guovdageainnu demeansasearvi bovdejit oapmehaččaidskuvlii, ja vuosttaš deaivvadeapmi lea gaskavahku skábmamánu 2. beaivve.

demens.jpg
demens.jpg

Oapmehaččaidskuvla

Guovdageainnu suohkan áigu ovttasbargguin Guovdageainnu Demeansaservviin doallat oapmahaččaidskuvlla demeansabuhcciid oapmahaččaide, fulkkiide ja oahppásiidda.

Oapmahaččaidskuvla bistá 4 vahku, gaskavahkku 2.11.2016, gaskavahkku 9.11.2016, gaskavahkku 16.11.2016 ja gaskavahkku 23.11.2016, dearvvašvuođaguovddážis diibmu 17.30 - 20.30.

Oapmahaččaidskuvla lea nuvttá fálaldat dáidda geat háliidit diehtit eambbo demeansabuozanvuođa birra. Ii leat ovdagihtii dieđiheapmi.                   

Logaldallan fágaolbmot bokte, várrejuvvo maid áigi ságastallamiidda. Logaldallan dulkojuvvo. Guossoheapmi.

Dá leat muhtin fáttát:

  • Mii demeansabuozanvuohta lea.
  • Čielggadeapmi ja čuovvoleapmi.
  • Hástalusat.
  • Gulahallan demeansabuhcciiguin.
  • Oapmahaččaid vásáhusat
  • Lágat. Demeansabuhcciid ja sin oapmahaččaid vuoigatvuođat.
  • Veahkke- ja dikšunfálaldagat suohkanis.
  • Veahkeneavvut.

    Bures boahtin!

 

Jus dárbbahat eambbo dieđuid sáhtát váldit oktavuođa :

Britt Kirsti Johansen, Guovdageainnu suohkana demeansakoordináhtor telefovdna 78487360.                                                                                                            

Inger Marie B. Eira, Guovdageainnu Demeansasearvvi jođiheaddji telefovdna 90884403.