Oapmehaččaid skuvla

Guovdageainnu suohkan ja Guovdageainnu demeansasearvi bovdejit oapmehaččaid skuvlii 29. ja 30. beivviid borgemánu.

Oapmahaččaidskuvla

Guovdageainnu suohkan áigu ovttasbargguin Guovdageainnu Demeansaservviin doallat oapmahaččaidskuvlla demeansabuhcciid oapmahaččaide.

Oapmahaččaidskuvla lea guokte beaivve,  mánnodaga borgemánu 29. beaivvi ja disdaga borgemánu 30. beaivvi, diibmu 09.00 – 15.00.             Báiki: Báktehárjji kafeá.

Borramuš ja gáffe guossohuvvo.

Logaldallan fágaolbmot bokte,  várrejuvvo maid áigi ságastallamiidda. Logaldallan dulkojuvvo.

Dá leat muhtin fáttát:

  • Mii demeansabuozanvuohta lea.
  • Čielggadeapmi ja čuovvoleapmi.
  •  Veahkeneavvut.
  • Gulahallan demeansabuhcciiguin.
  • Demeansabuhcciid ja sin oapmahaččaid vuoigatvuođat.
  • Veahkke- ja dikšunfálaldagat suohkanis.
  • Oapmahaččaid vásáhusat
  • Hástalusat.
  • Lágat

Oapmahaččaidskuvla lea nuvttá fálaldat oapmahaččaide geat háliidit diehtit eambbo demeansabuozanvuođa birra. Oahppasat ja olbmát  sáhttet maid searvat. Ii leat ovdagihtii dieđiheapmi. BURES BOAHTIN!

Jus dárbbahat eambbo dieđuid sáhtát váldit oktavuođa :

Britt Kirsti Johansen, Guovdageainnu suohkana demeansakoordináhtor,   tel. 7848 7360, E-boastta britt.kirsti.johansen@Kautokeino.kommune.no.

dahje

Inger Marie B. Eira, Guovdageainnu Demeansasearvvi jođiheaddji,              tel. 9088 4403, E-boastta imbeira@9520.no.