Ođđa rabasáiggit suohkanviesus

ja ođđa váldouksa go galggat iežat áššemeannudeaddji lusa.

Suohkanviesu váldouksa
Suohkanviesu váldouksa

Čakčamánu 1. beaivvi rájes lea okta boađáhat suohkanviesus. Min váldouksa lea bálvaluskantuvra, ja dat lea rabas gaskal 9 ja 15. Go galggat iežat áššemeannudeaddji lusa suohkanviesus, de boađát bálvaluskantuvrii, ja du áššemeannudeaddji boahtá du ovddal doppe.

 

Go áššemeannudeaddjis lea duinna šiehtaduvvon čoahkkin, de diehtá man birra háliidat ságastallat, ja olle ráhkkanit ovdal čoahkkima, nu ahte šaddá buorre ságastallan juste du ášši birra.

 

Don sáhtát diŋgot áiggi go riŋget suohkanii, dahje sáddet e-boastta. Sáhtát sáddet njuolga áššemeannudeaddjái jus dieđát gii dat lea, čujuhusaid gávnnat dáppe, dahje sáddet suohkana váldo e-boastačujuhussii, e-post@kautokeino.kommune.no