Juhkančázi ferte ain vuoššat

Dieđut čáhcedili birra gaskavahkku.

bassengmaal.jpg
bassengmaal.jpg

Mii ferte ain vuoššat dan čázi man galgat juhkat.

Čáhci man váldit bajás lea buhtis. Čáhcebasseaŋga lea bassojuvvon ja desinfiserejuvvon. UV-rusttet doaibmá. Čáhcebasseaŋga mii lea áibbas ráinnas devdojuvvo dál buhtis gáivočáziin.

Čáhci mii olle olbmuide čáhcerevrriid bokte ii leat ráinnas, muhto go golggáhit čázi nu movt dábálaččat, de molsašuvvo čáhci revrriin dađistaga.

MUHTO, dassážii go suohkan buktá eará dieđu, de fertejit buohkat vuoššat juhkančázi.