Činu fas Guovdageainnus!

Sotnabeaivvi guovvamánu 19. beaivvi čájehišgoahtit fas činufilmmaid Guovdageainnus, sullii guhtta jagi maŋŋil maŋemus go giličinu lei doaimmas dáppe.

vaiana.jpg
vaiana.jpg

Guovdageainnu činu almmolaš rahpan lea sotnabeaivve 19.2.2017 váile diibmu 1800 Diehtosiiddas.

 

Fáláldat lea ovttasbargu gaskal SSO (Sis-Finnmárkku Studeanttaid Ovttastus), Sámi Allaskuvlla ja Guovdageainnu suohkana.

Vuosttaš filmmat čájehuvvojit sotnabeaivvi 19.02.2017, ja dán háve leat olbmot beassan jienastit guhte filmmaid sii livčče háliidan oaidnit.

Vuoitit šadde Vaiana diibmu 18.00 ja Fifty shades darker diibmu 20.00.

 

Dás ovddos beassážiid rádjái čájehuvvo filbma juohke sotnabeaivve seamma áiggi iskan dihte ahte leago beroštupmi činui juohke vahku.

 

Buot čájálmasaid olis beassá oastit činuherskuid Diehtosiiddas ovdalgo filbma álgá. Ferte boahtit buoril ovdal filmma álgima  oastin dihte billeahta ja herskuid.

Filbmačájálmasat almmuhuvvojit siiddus http://bygdekinoen.no/ ja Sis-Finnmárkku Studeantaovttastus Facebook-siiddus.  

 

Billeahtta máksá 100 ruvnno rávisolbmuide ja 80 ruvnno mánáide ja studeanttaide.

Daid sáhttá oastit duorastaga rájes Diehtosiidda kantiinnas.

Mii čuovvut Medietilsynet ahkemeriid filmmaid dáfus.