Hárjehallandiimmut 2017 - 2018

Guovdageainnu suohkan almmuha rabas hárjehallandiimmuid boahtte áigodahkii. Ohcanáigemearri lea miessemánu 10. beaivi.

joggesko.jpg
joggesko.jpg

Guovdageainnu suohkanis leat rabas hárjehallandiimmut Báktehárjji hállas, mánáidskuvlla lášmmohallanlanjas ja vuojadanhálla.

Báktehárji

Searvvit galget ohcat diimmuid Báktehárjji faláštallanhállas jus áigot doppe hárjehallat. Ohcamis galgá čállit gii (makkár searvi) lea ohcci, galle diimmu ohcá, gii lea gulahallanolmmoš, ja čujuhus gosa rehket galgá sáddejuvvot.

Láigohaddi hárjehallamiidda 2017 čavčča lea kr 233 diimmus olles hállas. Sáhttá maid láigohit dušše 1/3 oasi hállas dahje 2/3 oasi. Hattit leat de 122,- ja 194,-.

Mánáide ja nuoraide gitta 16- jahkásaččaide lea nuvttá hárjehallan (searvi ii dárbbaš máksit láiggu suohkanii).

Ohcaáigemearri lea 10.05.2017. Ohcama sáhttá e-boastta bokte sáddet.

 

Lášmmohallanlatnja ja vuojadanhálla

Nu movt ovddit jagiid, fállá suohkan servviide, ásahusaide ja fitnodagaide láigohit diimmuid vuojadanhállas ja lášmmohallanlanjas Guovdageainnu mánáidskuvllas.

Mii bivdit din sáddet ohcama mas boahtá ovdan máid ohcabehtet, ohcci poastačujuhus ja gii lea gulahallanolmmoš.

Čávčča 2017 hattit: Vuojadanhállas máksá diibmu 288,- ja lášmmohallanlanjas máksá diibmu 146,-.

Mánáide ja nuoraide gitta 16- jahkásaččaide lea lášmmohallanlanjas nuvttá hárjehallan (searvi ii dárbbaš máksit láiggu suohkanii).

Sádde ohcama čujuhussii e-post@kautokeino.kommune.no dahje Guovdageainnu suohkan, Bredbuktnesveien 6, 9520 Kautokeino, ohcaáigemearri lea miessemánu 10. beaivi 2017.

Sii geat leat juo ohcan diimmuid, eai dárbbaš ođđasit sáddet ohcama.