Geassebargu nuoraide 2017

Guovdageainnu suohkan almmuha geassebarggu nuoraide 2017 geasi. Seammás ávžžuhit sin geain lea nuoraide bargu, searvat ortnegii, ohcat bálkádoarjaga ja fállat nuoraide barggu.

Geassebargu
Geassebargu

 

Geassebarggut nuoraide

Guovdageainnu suohkan almmuha geassebargguid nuoraide gaskal 15 ja 20 jagi. Barggut leat vuosttažettiin sidjiide geat leat váldime oahpu. Sii geat juo leat ohcan geassebarggu suohkanis dán jagi, eai dárbbaš ohcat oktii vel.

Ohcanskovvi
 

Ohcamis ferte leat namma, čujuhus, riegádandáhton, e-boastačujuhus ja telefonnummár. Dieđut oahpu, bargohárjáneami ja beroštumiid birra lea ovdamunnin. Dieđit makkár bargosuorggis dahje makkár barggu háliidat ja makkár áigodat mii heive.

Jus leat hui ollugat geat ohcet, juohkit bargguid vuorbádeami bokte.

 

FITNODAGAT - Dárbbašehpet go geassebargi?

Guovdageainnu suohkan almmuha geassebargguid nuoraide gaskal 15 ja 20 jagi. Dan oktavuođas sáhttet nuorat barggu oažžut ja fitnodagat ožžot dasa bálkádoarjaga.

Bálkádoarjja lea 7 500,- ruvnno rádjái (gitta 50% bálkágoluin) ja čadno nammaduvvon nuora bálkáheapmái. Ii sáhte doarjaga iežas mánáide oažžut. Galgá ráhkadit bargošiehtadusa ja fitnodagas lea ovddasvástádus čađahit dárbbašlaš bálkádieđáhusa (lønnsinnberetning) ja eará.

Lea go dát miellagiddevaš du fitnodahkii? Čáles oanehis ohcamuša, mas boahtá ovdan makkár barggut dus leat ja áigodaga goas dárbbašat veahki. Jus bargi dárbbaša sierralágan bargohárjáneami, namut dan maiddai. Dáppe gávnnat ohcanskovi.

 

Ohcanáigemearri lea geassemánu 06. beaivvi 2017 dii. 12:00

 

Ohcan sáddejuvvo:     e-post@kautokeino.kommune.no

dahje                            Guovdageainnu suohkan

                                      Bredbuktnesveien 6

                                      9520 Kautokeino