Geassebargu nuoraide 2016

 

Geassebarggut nuoraide

Guovdageainnu suohkan almmuha geassebargguid nuoraide gaskal 15 ja 20 jagi. Barggut leat vuosttažettiin sidjiide geat leat váldime oahpu. Sii geat juo leat ohcan geassebarggu suohkanis dán jagi, eai dárbbaš ohcat oktii vel.

 

Ohcamis ferte leat namma, čujuhus, riegádandáhton, e-boastačujuhus ja telefonnummár. Dieđut oahpu, bargohárjáneami ja beroštumiid birra lea ovdamunnin. Dieđit makkár bargosuorggis dahje makkár barggu háliidat ja makkár áigodat mii heive.

 

Jus leat ollugat geat ohcet, juohkit bargguid vuorbádeami bokte.

 

Dáppe gávnnat ohcanskovi:

word hámis  

pdf hámis   

 

Fitnodagat - Dárbbašehpet go geassebargi?

Guovdageainnu suohkan almmuha geassebargguid nuoraide gaskal 15 ja 20 jagi. Dan oktavuođas sáhttet nuorat barggu oažžut ja fitnodagat ožžot dasa bálkádoarjaga.

 

Bálkádoarjja lea 7 500,- ruvnno rádjái (gitta 50% bálkágoluin) ja čadno nammaduvvon nuora bálkáheapmái. Ii sáhte doarjaga iežas mánáide oažžut. Bargu galgá bistit unnimus 2 vahkku, dat galgá ráhkaduvvot bargošiehtadus ja fitnodagas lea ovddasvástádus čađahit dárbbašlaš bálkádieđáhusa (lønnsinnberetning) ja eará.

 

Lea go dát miellagiddevaš du fitnodahkii? Deavdde ohcanskovvái makkár barggut dus leat ja áigodaga goas dárbbašat veahki. Jus bargi dárbbaša sierralágan bargohárjáneami, namut dan maiddai.

 

Dáppe gávnnat ohcanskovi:

word hámis

pdf hámis

 

Ohcanáigemearri lea geassemánu 10. beaivvi 2016 dii. 12:00

 

Ohcan sáddejuvvo:       e-post@kautokeino.kommune.no 

 

dahje                             Guovdageainnu suohkan

                                      Bredbuktnesveien 6

                                      9520 Kautokeino