Geassebarggut nuoraide 2015

 

Geassebarggut nuoraide

Guovdageainnu suohkan almmuha geassebargguid nuoraide gaskal 15 ja 18 jagi, dat mearkkaša ahte leat geargan 10. luohkás itge leat deavdán 19 jagi. Barggut leat vuosttažettiin sidjiide geat leat váldime oahpu. Sii geat juo leat ohcan geassebarggu suohkanis dán jagi, eai dárbbaš ohcat oktii vel.

Ohcamis ferte leat namma, čujuhus, riegádandáhton, e-boastačujuhus ja telefonnummár. Dieđut oahpu, bargohárjáneami ja beroštumiid birra lea ovdamunnin. Dieđit makkár barggu háliidat; suohkanis dahje fitnodagain.

Jus leat hui ollugat geat ohcet, juohkit bargguid vuorbádeami bokte.

 

Ohcanskovvi nuoraide

 

FITNODAGAT - Dárbbašehpet go geassebargi?

Guovdageainnu suohkan almmuha geassebargguid nuoraide gaskal 15 - 18 jagi. Dan oktavuođas sáhttet nuorat bargat priváhtta ealáhusain ja fitnodagat ožžot dasa bálkádoarjaga.

Bálkádoarjja lea 7 500,- ruvnno radjái (gitta 50% bálkagoluin) ja čadno nammaduvvon nuora bálkáheapmái. Ii sáhte doarjaga iežas mánáide oažžut. Galgá ráhkadit bargošiehtadusa ja fitnodagas lea ovddasvástádus čađahit dárbbašlaš bálkádieđáhusa (lønnsinnberetning) ja eará.

Lea go dát mielddegiddevaš du fitnodahkii? Čáles oanehis ohcamuša, mas boahtá ovdan makkár barggut dus leat ja áigodaga goas dárbbašat veahki. Jus bargi dárbbaša sierralágan bargohárjáneami, namut dan maiddai.

 

Ohcanskovvi bargoaddiide

 

Ohcanáigemearri miessemánu 22. beaivi 2015.

 

Ohcan sáddejuvvo:          Guovdageainnu suohkan

                                               Bredbuktnesveien 6

                                               9520 Kautokeino.