Duristadiehtojuohkin 2017-2020

Guovdageainnu suohkan ohca duristadiehtojuohkima 2017-2020 áigodahki

markan.jpg
markan.jpg

Almmuhus – Duristadiehtojuohkin Guovdageainnus 01.04.2017-31.12.2019

 

Guovdageainnu suohkan dárbbaša duristadiehtojuohkima ja mii sávvat ahte okta min báikkálaš fitnodagain oačču vejolašvuođa márkanastit min čáppa suohkana, iežas fitnodaga ja earáid geat fállet gálvvuid ja bálvalusaid gussiide ja báikki olbmuide.

Mii bivdit dis fálaldaga doaimmahit duristadiehtojuohkima áigodahkii 01.04.2017 – 31.12.2019.

Mii sávvat duristadiehtojuohkima lahka čoahkkebáikki dáid fálaldagaiguin:

  • Buori rabasáiggit
  • Dihtor mas interneahtta man guossit besset atnit
  • Wi-Fi gussiide
  • Doaimmahit ja ođastit digitála čovdosiid nugo neahttasiiddut ja sosiála mediat
  • Báikkálaš kárttat vuovdemassii
  • Vejolašvuohta oastit bivdogoarttaid (veahkehit olbmuid interneahta bokte oastit)
  • Buorre giellamáhttu, earenoamážit eaŋgalasgielas
  • Buorre diehtojuohkin báikkálaš ealáhusaid birra
  • Buorre diehtojuohkin meahccebálgáid birra ja eará dieđut luondduvánddardeami birra Guovdageainnus

 Fálaldagas galgá boahtit ovdan movt dii háliidehpet fállat dán bálvalusa:

  • Rabasáiggit
  • Giellamáhttu
  • Bálvalusbáiki
  • Dihtor ja interneahtta gussiide
  • Čilgehus movt du fitnodat organisere ja láhčá duristtaide diehtojuohkima
  • Vejolaš eará bálvalusfálaldagat
  • Haddi

Mii eaktudit ahte suohkanstivra juolluda dán doibmii ruđa jahkásaččat.

Fálaldat galgá leat min luhtte ovdal 25.02.2017 diibmu 12:00.

Jus leat jearaldagat, váldde oktavuođa ovdánahttinráđđeaddiin, Nils Runar Hætta, tlf 78 48 71 61 dahje e-boasttain: e-post@kautokeino.kommune.no