Almmuhus – Duristadiehtojuohki 2016 geasi

Guovdageainnu suohkan dárbbaša duristadiehtojuohkima 2016 geasi, go min ovddeš šiehtadus Thon Hoteallain lea nohkan.

uoikalavvu.jpg
uoikalavvu.jpg

 

Mii bivdit dis fálaldaga doaimmahit duristadiehtojuohkima áigodahkii 01.07.2016 – 30.09.2016. Fálaldat galgá leat min luhtte ovdal 06.07.2016 diibmu 12:00.

Mii sávvat duristadiehtojuohkima dáid fálaldagaiguin:

  • Buori rabasáiggit
  • Dihtor mas interneahtta man guossit besset atnit
  • Báikkálaš kárttat vuovdemassi
  • Vejolašvuohta oastit bivdogoarttaid (veahkehit olbmuid interneahta bokte oastit)
  • Giellamáhtti
  • Buorrre diehtojuohkin báikkálaš ealáhusaid birra
  • Buorre diehtojuohkin meahccebálgáid birra ja eará dieđut luondduvánddardeami birra Guovdageainnus

 

Fálaldagas galgá boahtit ovdan movt dii háliidehpet fállat dán bálvalusa:

  • Rabasáiggit
  • Giellamáhttu
  • Bálvalusbáiki
  • Dihtor ja interneahtta gussiide
  • Čilgehus movt du fitnodat organisere ja láhčá duristtaide diehtojuohkima
  • Vejolaš eará bálvalusfálaldagat
  • Haddi

Dán oktavuođas almmuhit dušše 3 mánnui. Guovdageainnu suohkan almmuha guhkit áigodahkii maŋŋil.

Jus leat jearaldagat, váldde oktavuođa bargoveaga jođiheddjiin, Karin Hætta, tlf 78 48 71 00 dahje e-boasttain: e-post@kautokeino.kommune.no