Doavtterdiimmu diŋgot neahtas

Guovdageainnu suohkan váldá atnui www.besoklegen.no, mii lea ePortala earret eará diŋgot doavtterdiimmu.

Legetime på nett
Legetime på nett

 

Dál sáhtát diŋgot doavtterdiimmu www.besoklegen.no bokte.

Don fertet leat čadnon doaktárii geas lea bistevaš virgi (ii turnusdoaktárii iige sadjásašdoaktárii) vai beasat ná diŋgot. Dát doavttir ii sáhte leat luomus dahje pearmišuvnnas/virgelobis.

  1. Mana https://www.besoklegen.no neahttasiidui
  2. Oza ja vállje Kautokeino helsesenter
  3. Mana sisa dahje dieđit ođđa geavaheaddjin
  4. Jus earáid ovddas diŋgot, de fertet čállit su riegádannummára.
  5. Don oaččut suollemassáni man ii beasa eará oktii geavahit. Dat boahtá SMS bokte, ja máksá ovtta ruvnno (kr. 1,- ) juohke háve go oaččut ođđa suollemassáni. Diehtu boahtá telefunnummárii mii lea du journálas, doaktárkantuvrras. Jus ii boađe diehtu, de soaitá nu ahte lea boastu nummar journálas dahje lea sivvá ábonemeanttas. Huma singuin geas leat oastán ábonemeantta.
  6. Dál galggat beassat válljet doaktára diibmogirjji, ja doppe fas guoros doavtterdiimmu. Don oaččut dieđu lea go ortnegis vuoi ii.

Don sáhtát maid cealkit eret diŋgojuvvon diimmu. Jus it áiggo máksit, de ferte šihtton doavtterdiibmu sihkkojuvvot 24 diimmu ovdal šihttojuvvon diibmomeari.

 

Don sáhtát diŋgot doavtterdiimmu mátketelefuvnnain, CGM legetime (Compogroup Medical Norway) Appain. Ovdal go Appain beasat sisa, de fertet dieđihit geavaheaddjin besoklegen.no neahttasiiddus.