Doaibmadoarjja fysioterapevtii

Guovdageainnu suohkanis lea čakčamánu 1.beaivvi 2017 rájes rabas okta 100 % doaibmadoarjja.

fanahallan2.jpg
fanahallan2.jpg

ALMMUHIT 100% DOAIBMADOARJAGA FYSIOTERAPEVTII GUOVDAGEAINNU SUOHKANIS

 

Guovdageainnu suohkanis lea čakčamánu 1.beaivvi 2017 rájes rabas okta 100 % doaibmadoarjja.

Láhkavuođđu lea lokaliserejuvvon Guovdageainnu suohkanii ja lea oaivvilduvvon obbalaš fysioterapiijii.

Suohkan háliida čuovvovaččat: Norgga autorisašuvnna, hárjáneapmi spesialistadearvvašvuođaguovddážis habiliterema/veajuiduhttima ektui, veajuiduhttin mas fokus lea suohkana buohccijávkamis, deahkke- ja dákteriggegillámušain, faláštallanlápmašuvvamis, eallinvuohkeproblematihkas, lášmmohallamis maŋŋel čuohpahusa ja aktiivvalaš veajuiduhttimis.

Mii vuordit ahte don veahkehat ovdánahttit suohkana fysioterapevtabálvalusa go earret eará oasálastet ovttasbargočoahkkimiidda suohkanlaš fysioterapevtabálvalusain oktii mánus.

Doaibmašiehtadus muddejuvvo dan ASA 4313 mielde mii lea doaimmas.

Suohkan lea guovttegielalaš suohkan. Go ohcciid oahppu lea dássálaga dahje sullii ovtta dásis, de válljet ohcciid geat máhttet sihke sámegiela ja dárogiela.

Jus áiggut eambbo dieđuid virggi birra, váldde oktavuođa: Dearvvašvuođa ja fuolahusa ovttadatjođiheaddji Kent Ailo Hætta, Guovdageainnu suohkan, tlf. 78487190.

Ohcan sáddejuvvo: Guovdageainnu suohkan, Bredbuktnesveien 6, 9520 Kautokeino. Merke: jođihandoaibma.  

Ohcanáigemearri: 21.07.2017