Diehtu Guovdageainnu suohkanis čáhcedili birra

Guovdageainnu suohkana gearggusvuođajoavku lea fas čoahkkinastán mánnodat iđida, ja sádde álbmogii dán dieđu.

ahci.jpg
ahci.jpg

 

Deháleamos ášši álggos.

Álbmot ferte ain jurddašit dan ahte ii golggahit čázi duššiid dihte. Juhkančázi ferte ain vuoššat.

Dát gusto dassážii go ođđa diehtu fas boahtá.

 

Dilli dál lea nu ahte mis fas boahtá čázi gáivvuin, nu ahte ii leat eatnočáhci mii manná vižžo basseŋgii. Čáhci man galgá juhkat, dan ferte goitge vuoššat, go mis galget guokte čáhceiskkosa maŋŋálaga mat čájehit ahte čáhci lea ráinnas.  

 

Mii leat váldán čáhceiskkosiid eske iđđes, ja dan dahkat muhtin beivviid ovddasguvlui.  

Mii leat váldán iskkosiid eatnočázis, das máid gohčodit råvann, čáhcehánas suohkanviesus ja njuovahagas. 

Iskkosiid bohtosiid almmuhit dađistaga suohkana ruovttusiidui.

 

Go guoská čáhcebasseŋgii, de lea okta táŋka mii devdojuvvo, ja dan dihte manná oalle jođánit, nu movt oaidnibehtet dii geat čuovvubehtet dan. Okta táŋka lea steŋgejuvvon, dat galgá bassojuvvot ja devdojuvvot gáivočáziin. 

 

Vakuumpumpe lea gaskaboddosaččat divvojuvvon, ja mii bargat oažžut bistevaš čovdosa sadjái. Dan birra diehtit eambbo dán vahku mielde.  

 

Suohkan ii leat šat heahtedilis, muhto mii vákšut čađat, eat ge leat ollen dábálašdillái vuos.  

 

 

Gulahallanolbmot:
sátnejođiheaddji Johan Vasara 93099520
diehtojuohkki Maia Hætta 78487138