Diehtojuohkinčoahkkin mielduopmáriidda

Sis – Finnmárkku diggegoddi doallá diehtojuohkinčoahkkima ođđa ja ođđasit válljejuvvon mielduopmáriidda. Álbmot muđuid lea bures boahtin oasálastit. LES-viessu 31.01.2017 diibmu 18.00

vekt.jpg
vekt.jpg

DIEĐUT OĐĐA JA OĐĐASIT VÁLLJEJUVVON MIELDUOPMÁRIIDDA

 

Mun sávan bures boahtin sihke ođđa dahje ođđasit válljejuvvon mielduopmáriidda 2017-2021 áigodahkii.

 

Eanáš ráŋggáštusáššit mearriduvvojit "mielduopmárrievttis", gos lea okta fágaduopmár ja guokte mielduopmára. Fágaduopmár lea duopmár/duopmárfámohas geas lea juridihkalaš oahppu. Dat guokte mielduopmára, nissonolmmoš ja almmáiolmmoš, vuorbáduvvojit válljejuvvon olbmuid gaskkas maid gielddastivra lea nammadan. Fágaduopmár jođiha dikki, muhto buot duopmárat celket ovttasráđiin duomu, gos juohkehaččas  lea okta jietna.

 

Duopmárin galggat dáhkidit ahte dubmet duohtavuođain  ja riekta ášši duođaštusaid vuođul, ja nu mo riekteregeliid galgá áddet. Dat lea maid dehálaš ahte duopmárat leat bealátkeahttá dubmet ášši. Sis eai galgga leat čanasteamit oasehasaide ja earáide áššis mat sáhttet váikkuhit árvvoštallamiidda.

 

Go gálgabehtet leat vuosttaš geardde mielduopmárin, de addá fágaduopmár eanet vuđolaš dieđuid sierra ovdačoahkkimis, gos dis lea vejolašvuohta gažadit ášši birra ja mielduopmára doaimma birra.

 

Sis-Finnmárkku diggegoddi  lea dábálaš duopmostuollu gos meannudat buot lágan áššiid nu go eará diggegottiin. Sivas go sámegiella lea almmolaš giella min riektebires, deattuhuvvo sámegiela geavaheapmi diggeáššiin seamma dásis go dárogiella. Danne lea dárbu sámegiela - dárogiela tulkomii, mii dábálaččat tulkojuvvo simultána tulkonrusttega bokte.

 

Jagi 2017 vuosttaš jahkebealis doallat rabas diehtojuohkinčoahkkimiid, gos muitalat eanet duopmostuoluid ja Sis-Finnmárkkus diggegotti rollaid birra. Mii bovdet erenoamážit mielduopmáriid.

 

Čoahkkimat  dollojit čuovvovaš báikkiin:

 

Unjárgga ja Deanu várás: Diggevisttis Deanus, 31.01.2017, sii.18.00

 

Kárášjogas: Servodatvisttis/ Samfunnshuset  30.01.2017, dii.18.00

 

Porsáŋggus: Gielddastivrralanjas/ Porsanger kommunestyresal,  22.02.2017, dii. 18.00.

 

Guovdageainnus:  LES- viessu 31.01.2017 dii.18.00

 

Mii čujuhat diehtojuohkimii mielduopmáriidda neahttabáikkis,  www.domstol.no gos eret eará gávdnojit sierra diehtojuohkinfilmmat, sihke dárogillii ja sámegillii, dahje dárogiel – dahje sámegiel teavsttain.

http://www.domstol.no/no/Straffesak/Lekdommer/Informasjonsfilm-for-meddommere/

 

 

Dearvvuođaiguin – Med hilsen

 

Finn-Arne Schanche Selfors

Sundi – Sorenskriver