Dearvvašvuohta ja fuolahus

Dearvvašvuohta ja fuolahusovttadagas leat golbma ossodaga. Dearvvašvuođabálvalus, ruovttubálvalus ja fuolahusguovddáš.

Ovttadaga bargit

Dearvvašvuođa- ja fuolahushoavda Kent Ailo Hætta 78487190
Čálli Marit Inger Anne Buljo 78487253
Ruovttubálvalusa doaibmajođiheaddji Lars Bjørn Gaino 78487271
Fuolahusguovddáža doaibmajođiheaddji Hilde Elisabeth Hansen 78487310
Dearvvašvuođa doaibmajođiheaddji Sara Eira Gaup 78487270
Suohkanváldodoavttir Tuija Helena Niiranen 78487260
Ráđđeaddi June Brita Eira 78487241
Áššemeannudeaddji ja IP-koordinahttor   78487342
Demeansabuohccidivššár Britt Kirsti Johansen 78487360

 

Suohkan addá sihke dearvvašvuođa-, dikšo- ja fuolahusbálvalusaid.
Dearvvašvuođa- ja fuolahusovttadagas lea bargoveahka mas leat fárus ovttadatjođiheaddji, čálli, suohkanváldodoavttir, guokte áššemeannudeaddji mas nuppis dasa lassin lea IP koordináhttordoaibma, demeansakoordináhttor ja golbma ossodaga sierra ossodatjođiheddjiiguin, namalassii dearvvašvuođaossodat, ruovttubálvalusaidossodat ja fuolahusguovddáš ossodat.

Dearvvašvuođa ossodat
Dán ossodagas lea ovddasvástádus vuođđodearvvašvuođabálvalusas, ja sisttisdoallá čuovvovaš bálvalusaid:

  • Dábálašdoavtterbálvalus
  • Dearvvašvuođadivššárbálvalus
  • Jortamorbálvalus
  • Fysioterapiijabálvalus
  • Ergoterapiija
  • Psykologabálvalus
  • Psykiatriijabálvalus
  • Beaivefálaldat olbmuide geain lea demeansabuozanvuohta
  • Buhcciidruoktu
  • Gievkkan

 

Diŋgo doavtterdiimmu neahtas!

Diŋgot doavtterdiimmu, riŋges 78 48 72 60. Dán nummaris vástidit diibmu 08 - 11 ja 13 - 15.
Doavtterveahki ovttatmanus, riŋges 116117. Mii fuomášuhttit ahte nummár 78485555 man ollugat riŋgejit go galget doavttervávtta ságaide, ii doaimma 25.10.2017 rájes. Dan sadjái lea boahtán 78484320.
Heahti, riŋges 113.


Ruovttubálvalusaid ossodat
Rabas fuolahus (ruovttubálvalusat) doaimmaha dikšo- ja fuolahusbálvalusaid buot pasieanttaide geat orrot iežaset ruovttuin, ja orrunfálaldagaid nu movt fuolahusásodagat vuorrasiidda sihke dakkár gos leat sierra bargit ja dakkár gos eai leat.

Ruovttubuohccedivššu telefonnummár lea 78 48 72 73. Doppe vástidit diibmu 08.00 - 22.30

Ruovttubálvalus doaimmaha čuovvovaš bálvalusaid:

  • Ruovttubuohccedikšu
  • Ruovttuveahkki
  • Juolluda ja organisere dorvvolašvuođaalárpma
  • Helpen/oanehitáiggeorrun
  • Fuolahusásodat vuorrasiidda bargiiguin dahje bargiid haga
  • Johtti viessohoaiddárbálvalus
  • Veahkkeneavvuid hálddašeapmi

Fuolahusguovddáš ossodat doallá ovddasvástádusa bálvalusain resurssagáibideaddji geavaheddjiid ektui ja das leat čuovvovaš bálvalusat:

  • Birrajándor fuolahusásodat doaimmashehttejuvvon olbmuide
  • Johtti team
  • Idjapatrulje