Almmuhuvvon nuvttábeaivvit VEFAS:s eai leat šat

Dan dihte go VEFAS addá dolliide doapparkupoŋŋaid, de eai leat nuvttábeaivvit nu movt ovdal almmuhuvvon.

 

Sii geat eai vuos leat viežžan doapparkupoŋŋaid suohkana bálvaluskantuvrras fertejit muitit dan dahkat nu ahte duorastagaid besset doalvut Hannomaras doapparbáikái. Kupoŋŋaid galgá atnit ovdal skábmamánu 12. beaivvi 2015.

VEFAS bidjá doapparkonteineriid ná:

Láhpoluoppal 5.10. ja 6.10.
Šuošjávri   5.10. ja 6.10.
Máze  7.10. ja 8.10. diibmu 12.00 - 18.00.

Mázes lea konteinerbiila ja olbmot goappaš beivviid diibmu 12 - 18.

Doabbarat mat bohtet ovdal dahje maŋŋil dáid áiggiid eai váldo sisa VEFAS bealis.

Várálaš doabbariid ii galgga konteinerii buktit. Daid váldá birasruktu dáid áiggiid:

Mierojávri (rámbuvrre luhtte)  7.10.   diibmu 12.00 - 12.15.
Hemmogieddi (Reinkjøttmarked luhtte)  7.10.   diibmu 12.30 - 12.45.
Láhpoluoppal  7.10.   diimbu 13.00 - 13.15.